
მექსიკელი ხავიერ ერნანდესი გუშინ კიდევ ერთხელ გახდა მატჩის გმირი. მან ლივერპულის ,,ევერტონს'', 83 – ე წუთზე ანტონიო ვალენსიას პასის შემდეგ, ,,ლურჯების'' მეკარეს ტიმ ჰოვარდს თავით გაუტანა გოლი.
,,რათქმაუნდა მე ვხედავდი თუ როგორ ვერ ვიტანდით გოლს, მაგრამ ეს არ გვაძლევდა იმის საშუალებას, რომ ყურები ჩამოგვეშვა და ფრეს შევგუებოდით. თუ შენ ამ ყველაფერს არ გაითავისებ მაშინ, არაფერი გესაქმება ამ დიდებულ კლუბში, რომელსაც მანჩესტერ ,,იუნაიტედი'' ჰქვია''.
,,90 წუთის განმავლობაში ჩვენ ვცდილობდით გვეთამაშა შემტევი ფეხბურთი, რომელმაც 83 – ე წუთზე შედეგი გამოიღო და ანტონიოს პასის შემდეგ, შევძელი გამეტანა გოლი, რომელიც შეხვედრაში გადამწყვეტი და მორიგი სამი ქულის საწინდარი აღმოჩნდა. ეს არავის უნდა გაუკვირდეს, რადგანაც ,,იუნაიტედის'' ისტორიაში ესეთი რამ ბევრჯერ მომხდარა''.
,,ჩვენ ეხლა სრულიად კონცენტრირებულები ვართ მომავალ მატჩზე, სადაც ,,შალკეს'' ვხვდებით, თუმცა წინ არანაკლებ მნიშვნელოვანი შეხვედრები გველის, რადგან ლონდონის ,,არსენალთან'' და ლონდონის ,,ჩელსისთან'' გვაქვს სათამაშო. ჩვენ ვგეგმავთ, რომ ისევე როგორც პირველ შეხვედრაში, მაქსიმალური ქულები ავიღოთ და პრემიერ ლიგა გავიფორმოთ – განაცხადა ჩიჩარიტომ.