უეფამ ჩემპიონთა ლიგის მეთორმეტე კვირის სიმბოლური ნაკრები გამოაქვეყნა.ამ კვირაში წინა კვირის მსგავსად ბარსელონა და მანჩესტერი თანაბრად იყოფენ პოზიციებს.მანჩესტერიდან 2 მცველი და 3 ნახევარმცველი მოხვდა,ბარსელონადან კი 2 მცველი,1 ნახევარმცველი და 2 თავდამსხმელი.
დაცვაში მანჩესტერი იუნაიტედის ორი ფეხბურთელი მოხვდა - მარჯვენა ფლანგზე რაფაელ დე სილვა,ხოლო ცენტრში ჯონათან ევანსი.რაფაელმა ექსპერტებისგან 6.0 ქულა მიიღო,გულშემატკივრებმა კი მისთვის მხოლოდ 5.7 ქულა გაიმეტეს.რაც შეეხება ჯონ ევანს,იგი ექსპერტებმა 6.3 ქულით შეაფასეს,გულშემატკივრებმა კი მხოლოდ 5.6-ით.
ნახევარდაცვაში ერთდოულად სამი მანჩესტერელი მოხვდა - ფლანგებზე ვალენსია და ანდერსონი,ხოლო ცენტრში კი გიბსონი.ამ სამმა ფეხბურთელმა ყველაზე მეტად გამოიჩინეს თავი შალკესთან საპასუხო თამაშში.ვალენსიას ექსპერტებმა 8.0 ქულა დაუწერეს (რაც მხოლოდ 0.2 ქულით ჩამორჩება კვირის ლიდერს ლიონელ მესის),ხოლო გულშემატკივრებმა 7.8.გიბსონმა და ანდერსონმა ექსპერტებისგან თანაბარი 7.0 ქულები მიიღეს,ხოლო გულშემატკივრებმა ანდერსონს 6.9 ქულა მიანიჭეს,გიბსონს კი 6.8.
თავდასხმაში ვერ მოხვდა ვერცერთი მანჩესტერის ფეხბურთელი,ამ პოზიციაზე ბარსელონელი მესი და პედრო როდრიგესი დგანან.კარში კი მადრიდის რეალის მეკარე - იკერ კასილასი მოხვდა,რომელმაც თავი ბარსელონასთან საპასუხო მატჩში გამოიჩინა.
აღსანიშნავია ის ფაქტიც,რომ მეთორმეტე კვირის სიმბოლურ ნაკრებში ვერ მოხვდა მანჩესტერ იუნაიტედის მეტოქის - გელზერკილხენის შალკე 04-ის ვერცერთი ფეხბურთელი.